نداء استغاثة من أم الربيع إلى كل المسؤولين

0

للمزيد من المعلومات ومشاهدة كل الصور المرجو الضغط على هذه الصورة

كل ما شفناه  يصبح حلم و نعالجو ,,,,,,,,, بيدينا ولادنا من الإدمان !!

الله يا ربي هذا ولدي تبلا لي  ,,,,,,, بلية تابعة بلية حفظوا ونجيه يا العالي

و ريتو شحال من طريق و تبع الدراري

حسبها  بلا عقل و لقا  راسو  كيداري

ما نفعاتو ندامة ولى وحدو كايعاني

شفت فعينيه الحسرة و بلسانو ماقالها لي

ما عرف يعالج نفسو او ما عرف وضعيتو يساوي

مابخلت عليك يا ولدي او ماتخليت ,,,,,,, وما زلت بالغالي و النفس نفديك

حيث عذرتك وماشي بوحدك فهاد البحر غارق,,,,حومة و ناس شبابها في المخدر عالق

ما نلومك آولدي حيث الشيطان فصفة ملاك حسبتو صادق

قال لي ولدك أميمتي مع الحشيش و الكارو مفارق

قلت الحمد لله و لكن فنفسي الشك خارق

حيث فقدت الامل فحومتي لي ما بقا فيها حتى واحد بالحق ناطق

هاذا يروج المعجون فالكيكة و هذا للقرقوبي عاشق

هاذا قبالة الناس يبيع العصير فالسوق و لكن من كروصتو المخدر عابق

بالله عليك يا جاري دير يدي فيديك و نحاربو ما جاري

إلى كان ولدك مازال صغير غدا يصبح معانا بحال الدراري

بكلمة مني و كلمة منك نقطعو الحصار و نكسرو الجبال

و القوة !! ماشي فالجاه و المال ,,,,,,,,,,,القوةصدق و أمانة وماشي محال !!

كل ما شفناه  يصبح حلم و نعالجو ,,,,,,,,, بيدينا ولادنا من الإدمان !!

اترك رد

لن يتم نشر عنوان بريدك الإلكتروني.